بِسمِ اللهِ الرَّحْمَنِ الرَّحِيمِ

Allah, in the name of, the Most Affectionate, the Eternally Merciful

Personality Development Program

Contribute to humanity by develop a God-oriented personality!!!

تعمیر شخصیت پروگرام

ایک خدا پرست شخصیت کی تعمیر کر کے انسانیت کی خدمت کیجیے!!!

اردو اور عربی تحریروں کو بہتر دیکھنے کے لئے نسخ اور نستعلیق فانٹ یہاں سے ڈاؤن لوڈ کیجیے

Home

تعمیر شخصیت پروگرام کا تعارف

Download Printable Version

 

 

Click here for English Version

Religion & Ethics

Personality Development

Islamic Studies

Quranic Arabic Learning

Adventure & Tourism

Risk Management

Your Questions & Comments

Urdu & Arabic Setup

About the Founder

بسم اللہ الرحمن الرحیم

تحریروں کا یہ مجموعہ بنیادی طور پر دین اسلام کی بنیاد پر تزکیہ نفس اور تعمیر شخصیت سے متعلق ہے۔ اس مجموعے کا مقصد یہ ہے کہ ہم قرآن مجید اور رسول اللہ صلی اللہ علیہ واٰلہ وسلم کے اسوہ حسنہ کی روشنی میں اپنے اندر وہ اوصاف پیدا کریں جو اللہ تعالی کو مطلوب ہیں اور اپنی شخصیت میں سے ان اوصاف کا خاتمہ کریں جو اللہ تعالی کو ناپسند ہیں۔ قرآن مجید نے تعمیر شخصیت اور تزکیہ نفس ہی کو انسان اور دین کے تعلق کا بنیادی مقصد قرار دیا ہے۔ ارشاد باری تعالی ہے:

وَنَفْسٍ وَمَا سَوَّاهَا۔ فَأَلْهَمَهَا فُجُورَهَا وَتَقْوَاهَا۔ قَدْ أَفْلَحَ مَنْ زَكَّاهَا۔ وَقَدْ خَابَ مَنْ دَسَّاهَا۔

انسانی شخصیت اور اس ذات کی قسم جس نے اسے ٹھیک ٹھیک بنایا ، اس کے بعد اس کی سرشت میں برائی اور پرہیزگاری دونوں کو رکھ دیا۔ جس نے اپنے نفس کا تزکیہ کیا، وہ فلاح پا گیا اور ناکام ہو وہ شخص جس نے اسے (یعنی اپنی شخصیت کے مثبت پہلو کو) دبا دیا۔ (الشمس 91:7-10)

اللہ تعالی نے یہ دنیا امتحان کے لئے بنائی ہے اور یہ امتحان تزکیہ نفس اور شخصیت کی تعمیر ہی ہے۔ جو شخص اپنی شخصیت کا تزکیہ کرنے اور اسے اخلاقی برائیوں اور آلائشوں سے پاک کرنے میں کامیاب ہو گیا وہ دنیا و آخرت میں کامیاب ہو گیا اور جس نے ایسا نہ کیا، وہ بہرحال ایک ناکام انسان ہے۔

اس پروگرام کے مخاطبین عام مسلمان اور غیر مسلم دونوں ہیں۔ قرآن مجید کی دعوت تمام انسانوں کے لئے یکساں ہے اور اس میں مسلم و غیر مسلم کا کوئی امتیاز موجود نہیں ہے۔ ہر شخص خواہ اس کا تعلق کسی بھی مذہب سے ہو، بلا جھجک اس پروگرام سے استفادہ کر سکتا ہے۔ اس کے بعد یہ اس کی اپنی مرضی ہے کہ وہ جو راستہ چاہے، اختیار کر لے۔ اس پروگرام کے خصوصی مخاطب علوم اسلامیہ کے طلبا و طالبات ہیں۔ یہی وجہ ہے کہ اس پروگرام میں ہم نے بالخصوص ایسی شخصی خصوصیات کو اجاگر کرنے پر زور دیا ہے جو دینی علوم کے طلبا میں درکار ہیں۔ اسی طرح ہم نے ان خامیوں کو دور کرنے کی خصوصی کوشش کی ہے جو عام طور پر دینی علوم کے طلبا بلکہ علما میں بھی پائی جاتی ہیں۔

تعمیر شخصیت کے ماڈیولز

انسانی شخصیت کے مختلف پہلو ہیں: اخلاقی، روحانی، علم ودانش، سماجی اور دعوتی و اصلاحی۔ انہی پانچ پہلوؤں کو ہم نے اس پروگرام میں کور کرنے کی کوشش کی ہے۔ ہماری کوشش یہ ہے کہ علوم دینیہ کے طالب علموں کی شخصیت میں ان پانچوں پہلوؤں کا تزکیہ کر کے انہیں ایک بہترین شخصیت کی تعمیر میں مدد کی جائے۔ ان پہلوؤں کو اس ڈایا گرام میں نمایاں کیا گیا ہے:

تعمیر شخصیت کے اس پروگرام میں چار ماڈیولز ہیں جس میں ہم نے انہی پانچ پہلوؤں کو کور کیا ہے:

      ماڈیول PD01: اس ماڈیول میں ہم اپنی شخصیت کے اخلاقی پہلو کی تعمیر اور تزکیہ کرتے ہوئے اپنی شخصیت میں مثبت خصوصیات جیسے نیکی سے وابستگی، تعمیری طرز فکر، حقیقت پسندی، شکر گزاری، توکل، نرم دلی، دیانت داری، وسعت نظری،حریت فکر، اعتدال پسندی اور علم اور امن سے وابستگی پیدا کریں گے۔ ہماری شخصیت کے علم و دانش کے پہلو کی تعمیر تزکیہ بھی اسی ماڈیول میں ہو گا۔

      ماڈیول PD02: اس ماڈیول میں بھی ہم اپنی شخصیت کے اخلاقی پہلو کی تعمیر اور تزکیہ کرتے ہوئے اپنی شخصیت کو منفی خصوصیات جیسے تکبر، حسد، تعصب، ریاکاری ، دنیا پرستی، فرقہ واریت، فکری جمود، منافقت، ظاہر پرستی، کرپشن، بدگمانی، غیبت، اذیت رسانی، انتہا پسندی، فحاشی اور حسد سے نجات دلانے کی کوشش کریں گے۔

      ماڈیول PD03: اس ماڈیول میں ہم اپنی شخصیت کے روحانی پہلو کی تعمیر اور تزکیہ کرنے کی کوشش کریں گے۔ اپنا تعلق اللہ تعالی سے قائم کریں گے، اللہ کی معرفت حاصل کرنے کی کوشش کریں گے، عبادت کی روح کو پہچانیں گے، خود کو آخرت میں اللہ تعالی سے ملاقات کے لیے تیار کریں گے اور رسول اللہ صلی اللہ علیہ وسلم سے محبت کا تعلق استوار کریں گے۔

      ماڈیول PD04: یہ ماڈیول سماجی اور اصلاحی پہلو سے متعلق ہے جس کا تعلق حقوق العباد سے ہے۔ اس میں ہم انسانوں کے ساتھ اپنے تعلق کی بنیادوں کو استوار کریں گے، اپنی فیملی لائف کا تزکیہ کریں گے، اپنے اندر سوک سینس پیدا کرنے کی کوشش کریں گے، خود کو اللہ تعالی کے دین کی دعوت اور معاشرے کی اصلاح کے لیے تیار کریں گے اور اپنے ساتھ ساتھ معاشرے کا تزکیہ نفس کرنے کے طریقوں پر غور کریں گے۔

تحریروں کا انتخاب

اس مجموعے میں ہم نے اپنی تحریروں کے ساتھ ساتھ مسلمانوں کے تمام مکاتب فکر سے تعلق رکھنے والے اہل علم کی تحریروں کو بھی شامل کیا ہے۔ اس کی بنیادی وجہ یہ ہے کہ ہمارے ہاں یہ متعصبانہ رویہ رواج پذیر ہو چکا ہے کہ لوگ صرف اپنے ہی ہم عقیدہ اور ہم مسلک مصنفین کی تحریریں پڑھتے ہیں۔ ہمارے دین نے ہمیں ہر قسم کے تعصب کو اپنے دل سے نکال باہر کرنے کا حکم دیا ہے۔ رسول اللہ صلی اللہ علیہ واٰلہ وسلم نے حکمت کی بات، جہاں سے ملے، اسے لے لینے کا حکم دیا ہے۔ اسی جذبے کے پیش نظر ہم نے اچھی بات جہاں سے ملی ہے، اسے بغیر کسی تعصب کے اپنی کتاب میں شامل کیا ہے۔امت مسلمہ کے مختلف اہل علم کی کاوشیں ہمارا مشترک ذخیرہ ہے۔ ایک شخص کی بجائے، متعدد افراد کی کاوشیں ہر پہلو کا احاطہ کرتی ہیں اور اس کے نتیجے میں علم و حکمت کا ایک بڑا ذخیرہ دستیاب ہو جاتا ہے، اس سے ہر انسان کو بلا تعصب استفادہ کرنا چاہیے۔ اس کا ایک فائدہ یہ بھی ہے کہ مختلف اہل علم کی تحریروں کے مطالعے سے وسعت نظری پیدا ہوتی ہے۔

تحریروں کے انتخاب کے لئے ہم نے جو معیار (Criteria) طے کیا ہے، اس کے اہم نکات یہ ہیں:

      تحریر اپنے موضوع سے مطابقت رکھتی ہو۔

      تحریر میں موضوع کا گہرا تجزیہ پیش کیا گیا ہو۔

      تحریر فرقہ واریت اور تعصب سے پاک ہو۔

      تحریر جدید ذہن کو اپیل کرتی ہو۔

      تمام مکاتب فکر کے نمائندہ اہل علم کی تحریریں پیش کی جائیں۔

      تحریر کا اسلوب، اعلی ادبی معیار پر پورا اترتا ہو۔

      تحریر سے متعلق کاپی رائٹس کی پابندیاں نہ ہوں۔

دیگر مصنفین کی تحریریں ان کی کتابوں سے اقتباسات کی صورت میں پیش کی گئی ہیں اور کتب کے حوالے فراہم کر دیے گئے ہیں۔ جہاں ان کے کچھ جملے موضوع سے غیر متعلق ہونے کے باعث حذف کئے گئے، وہاں "۔۔۔۔۔۔۔۔" کا نشان درج کر دیا گیا ہے۔ جہاں پر ہم نے کسی مصنف کی تحریر میں کچھ توضیح و اضافے کی ضرورت محسوس کی ہے وہاں ہم نے اس توضیح کو [ ] میں درج کیا ہے۔ جو قارئین مصنف کی مکمل تحریر کا مطالعہ کرنا چاہیں، وہ مصنف کی اصل کتاب سے رجوع کر سکتے ہیں۔

اس مجموعے کے بارے میں یہ واضح کر دینا ضروری ہے کہ یہ مجموعہ ایک انسانی کاوش ہے۔ اس میں غلطی کی گنجائش اسی طرح موجود ہے جیسا کہ انسانوں کے ہر کام میں ہوا کرتی ہے۔ اہل علم سے گزارش ہے کہ وہ اس مجموعے کا تنقیدی جائزہ لے کر اپنی تجاویز پیش کریں تاکہ اس سلسلے کو مزید بہتر بنایا جا سکے۔

ہر باب کے آخر میں کچھ سوالات پیش کئے گئے ہیں۔ قارئین سے گزارش ہے کہ وہ ان سوالات پر غور و فکر کریں اور اپنے جوابات اپنے متعلقہ اسٹڈیز کو آرڈی نیٹر کو ارسال کر دیں۔ جوابات کو اردو یا انگریزی کسی زبان میں بھی درج کیا جا سکتا ہے۔ کورس کی تکمیل کے بعد آپ جب بھی امتحان دینا چاہیں، اس کے لئے ہم سے رابطہ کر سکتے ہیں۔ امتحانی سوالات کی نوعیت کیس اسٹڈیز کی ہوگی۔ جن سوالات کا تعلق آپ کی اپنی ذات سے ہے، ان کا مکمل جواب ارسال کرنا ضروری نہیں ہے بلکہ اتنا ہی کافی ہے کہ آپ میں یہ بیان کر دیں کہ آپ نے اس سوال کا جواب حل کر لیا ہے۔ امتحانی سوال کے جواب میں آپ مصنف سے کھل کر اختلاف رائے کر سکتے ہیں اور اپنا نقطہ نظر دلائل کی صورت میں پیش کر سکتے ہیں۔ اس اختلاف رائے سے آپ کے گریڈ پر کوئی اثر نہیں پڑے گا۔ گریڈ کا تعلق آپ کے تجزیے کی گہرائی، سوال کے مختلف زاویوں کا احاطہ اور جواب کی ترتیب و تنظیم (Organization) سے ہے۔ آپ کے جوابات کی گریڈنگ کے وقت زبان و بیان کی غلطیوں کو نظر انداز کر دیا جائے گا۔

امید ہے کہ قارئین اس پروگرام کو نفع بخش بنانے کے لئے اپنی تجاویز پیش کرتے رہیں گے۔ اللہ تعالی ہم سب کا حامی و ناصر ہو۔

 

محمد مبشر نذیر

ستمبر 2008 ؍ رمضان 1429

 

یونٹ 1: اللہ اور رسول کے ساتھ تعلق

تعمیر شخصیت پروگرام کا تعارف | اللہ کے نام سے شروع، جو بڑا مہربان ہے، جس کی شفقت ابدی ہے | تیری مانند کون ہے؟ | توحید خالص: اول | توحید خالص: دوم | خدا، انسان اور سائنس: حصہ اول | خدا، انسان اور سائنس حصہ دوم | خدا، انسان اور سائنس حصہ سوم | اصلی مومن | نماز اور گناہ | رمضان کا مہینہ: حاصل کیا کرنا ہے؟ | اللہ کا ذکر اور اطمینان قلب | حج و عمرہ کا اصل مقصد کیا ہے؟ | ایمان کی آزمائش | اور زمین اپنے رب کے نور سے چمک اٹھے گی! | کیا آخرت کا عقیدہ اپنے اندر معقولیت رکھتا ہے؟ | جنت کا مستحق کون ہے؟ | کیا آپ تیار ہیں؟ | میلا سووچ کا احتساب | ڈریم کروز | موبائل فون | خزانے کا نقشہ | دین کا بنیادی مقدمہ: بعث و نشر | رسول اللہ صلی اللہ علیہ واٰلہ وسلم کی محبت | منصب رسالت سے متعلق چار بنیادی غلط فہمیاں | لو لاک یا رسول اللہ! | درود شریف | رحمۃ للعالمین: رحمت محمدی کا ایک پہلو | حضور کی سچائی اور ہماری ذمہ داری | رسول اللہ صلی اللہ علیہ واٰلہ وسلم کا ادب | دین میں تحریف اور بدعت کے اسباب

یونٹ 2: منفی شخصیت سے نجات

سطحی زندگی | کامیاب زندگی | یہ کیسی بری قناعت ہے! | مسئلہ شفاعت | نجات کا دارومدار کسی گروہ سے تعلق پر نہیں ہے | کردار نہ کہ موروثی تعلق | اختلاف رائے کی صورت میں ہمارا رویہ | اسلام اور نفسیاتی و فکری آزادی | مسلم دنیا میں ذہنی، نفسیاتی اور فکری غلامی کا ارتقاء | مذہبی برین واشنگ اور ذہنی غلامی | نفسیاتی، فکری اور ذہنی غلامی کا سدباب کیسے کیا جا سکتا ہے؟ | دین اور عقل | دنیا کے ہوشیار | تنقید | ریاکاری اور مذہبی لوگ | دوغلا رویہ | اصول پسندی | بنی اسرائیل کے مذہبی راہنماؤں کا کردار | فارم اور اسپرٹ | دو چہرے، ایک رویہ | عیسائی اور مسلم تاریخ میں حیرت انگیز مشابہت | شیخ الاسلام | کام یا نام | ہماری مذہبیت | نافرمانی کی دو بنیادیں | ہماری دینی فکر کی غلطی اور کرنے کا کام | ٹرانسپیرنسی انٹرنیشنل کی رپورٹ اور ایک حدیث | آرنلڈ شیوازنگر کا سبق | آج کے بے ایمان | نئی بوتل اور پرانی شراب | جدید نسل | بے وقوف کون؟ | غیبت | شبہات | بدگمانی اور تجسس | لکھ لیا کرو | عذر یا اعتراف | کبر و غرور اور علماء | دھوکے میں مبتلا افراد کی اقسام | برائی کی جڑ | تکبر اور بہادری میں فرق | اپنی خامی | مسلمان وہ ہے | تمسخر | منیٰ کا سانحہ: دنیاکو کیا پیغام دے گیا؟ | عافیت کا راستہ | انتہا پسندی اور اعتدال پسندی کا فرق | کیا رہبانیت انتہا پسندی ہے؟ | ایف آئی آر | لیجیے انقلاب آ گیا | 18 اکتوبر کے سبق | مسجد قرطبہ اور مسجد اقصی | جادو | وجود زن کے مصنوعی رنگ | فحش سائٹس اور ہمارے نوجوان | سیکس کے بارے میں متضاد رویے | ہم جنس پرستی | عفت و عصمت | مغرب کی نقالی کا انجام | جذبہ حسد اور جدید امتحانی طریق کار | ساس اور بہو کا مسئلہ | یہ خوش اخلاقی | کسل مندی اور سستی پر قابو کیسے پایا جائے؟ | کیا آپ اپنے بیوی بچوں کو اپنے ہاتھوں قتل کر رہے ہیں؟

یونٹ 3: مثبت شخصیت کی تعمیر

نیکی کیا ہے؟ | پہاڑی کا وعظ | شیطانی قوتوں کا مقابلہ کیسے کیا جائے؟ | ذکر، شکر، صبر اور نماز | تعمیر شخصیت کا قرآنی لائحہ عمل | نظام تربیت کا انتخاب | مسجد کا ماحول | خود آگہی اور SWOT Analysis | اپنی کوشش سے | الحمد للہ رب العالمین | لکھ کر سوچنے والے | اعتراف | کامیابی کیا ہے؟ ایک کامیاب انسان کی کیا خصوصیات ہیں؟ | صحیح سبق | زہریلا نشہ | میں کیا کروں؟ | اپنے آپ کو پہچانیے | غربت کا خاتمہ کس طرح ہوتا ہے؟ | نور جہاں اور ارجمند بانو | سڑک بند ہے | مثبت طرز عمل ہی زندگی کی علامت ہے! | مزاج کی اہمیت | اور تالہ کھل گیا؟ | اپنا چراغ جلا لیں | دو قسم کی مکھیاں | پازیٹو کرکٹ | نرم دل

محبت و نفرت | فرشتے، جانور اور انسان | غصے کو کیسے کنٹرول کیا جائے | اعتبار پیدا کیجیے! | بڑی بی کا مسئلہ | وسعت نظری | سبز یا نیلا؟؟؟ | دین کا مطالعہ معروضی طریقے پر کیجیے | روایتی ذہن | کامیابی کے راز | تخلیقی صلاحیتیں | اسی خرچ سے | خوبصورتی اور زیب و زینت | بخل و اسراف | احساس برتری و احساس کمتری | قانون کا احترام | امن اور اقتصادی ترقی | موجودہ دور میں جہاد کیسے کیا جائے؟ | فیصلہ تیرے ہاتھوں میں ہے | لوز لوز سچویشن Loose Loose Situation | یہی بہتر ہے | رسول اللہ صلی اللہ علیہ واٰلہ وسلم کی علم سے محبت | وحی اور عقل کا باہمی تعلق (حصہ اول) | وحی اور عقل کا باہمی تعلق (حصہ دوم) | انسان اور حیوان | واقفیت کی کمی | صحافت اور فکری راہنمائی | نئی طاقت جاگ اٹھی | انسان اور جانور کا فرق | Idiot Box

یونٹ 4: انسانوں سے تعلق

انسانی حقوق: اسلام اور مغرب کا تقابلی جائزہ | اسلام اور غیر مسلم اقوام | غیر مسلموں کے ساتھ ہمارا رویہ | ہماری دلچسپی | ایک پاکستانی | بنی اسرائیل سے اللہ کا عہد | غلطی کرنے والے کے ساتھ کیا سلوک کرنا چاہیے؟ | دوسروں سے غلطی کی توقع رکھیے! | سب کا فائدہ | حضرت ایوب علیہ الصلوۃ والسلام کی معیت کا شرف | مہربانی کی مہک | دہی کے 1,000,000 ڈبے | عظمت والدین کا قرآنی تصور | تخلیق کے عمل کے دوران والدین کا رویہ | شیر خوار بچے کی تربیت کیسے کی جائے؟ | گفتگو کرنے والے بچے کی تربیت کیسے کی جائے؟ | بچوں کو نماز کی عادت کیسے ڈالی جائے؟ | بچوں میں شرم و حیا کیسے پیدا کی جائے؟ | برائی میں مبتلا بچوں سے کیسا رویہ رکھا جائے؟ | لڑکے اور لڑکی کی تربیت کا فرق | اپنی اولاد کے معاملے میں عدل و احسان سے کام لیجیے! | جوان ہوتے بچوں کی سیرت و کردار کی تعمیر | شادی اور عورت | خاندانی جھگڑے

یونٹ 5: ہماری ذمہ داری اور لائحہ عمل

ہزار ارب ڈالر | مغربی معاشرت کی فکری بنیادیں اور ہمارا کردار | مغرب کی ثقافتی یلغار اور ہمارا کردار | زمانے کے خلاف | مصر اور اسپین | ہجری سال کے طلوع ہوتے سورج کا سوال | جڑ کا کام | اسلام کا نفاذ یا نفوذ | غیر مسلموں کے ساتھ مثبت مکالمہ | اورنگ زیب عالمگیر کا مسئلہ | دعوت دین کا ماڈل | مذہبی علماء کی زبان | زیڈان کی ٹکر | ون ڈش کا سبق | اصل مسئلہ قرآن سے دوری ہے

 

cool hit counter