سوال : شیشہ جو آج کل لوگ پیتے ہیں اس کی کماٸی حلال ہے یا حرام اور شیشہ کلب کھولنے کے لیے اپنی جگہ کرائے پر دینا اور اس سے آنے والی آمدنی حلال ہے یا حرام اس کا جواب مطلوب ہے۔
ڈاکٹر رفعت نواب، فیصل آباد
جواب: اس سوال کا جواب بہت آسان ہے۔ شیشہ کی کیمسٹری سے ہی معلوم ہو گا کہ اس میں نشہ ہے یا نہیں؟ اگر نشہ ہے تو پھر وہ شراب قسم کی چیز ہے اور اگر نشہ نہیں ہے تو پھر دین میں کوئی پابندی نہیں ہے۔ ہاں اگر اس میں کوئی اور بیماری والی چیز ہے تو پھر وہ بھی حرام ہو جائے گی کیونکہ اس کا مقصد لوگوں کو نقصان پہنچانا ہے۔ اب اگرآپ اس کی کیمسٹری کو تھوڑا سا بھی سمجھتے ہوں گے تو اس لحاظ سے آپ فیصلہ کر سکتے ہیں۔
مجھے جو شیشہ کا علم ہے، وہ یہ ہے کہ یہ نقصان دہ چیز ہے کہ اس میں سیگرٹ سے زیادہ نقصان بھی ہو سکتا ہے جس میں کینسر وغیرہ پیدا ہو سکتے ہیں۔ اس لیے اسے استعمال نہیں کرنا چاہیے اور جب کوئی انسان دوسروں کو بیچے گا تو اس کا مطلب ہے کہ وہ دوسروں کی زندگی کو تباہ کر رہا ہو گا۔ اب یہ الگ بات ہے کہ شیشہ کی کیمسٹری میں اختلاف ہو سکتا ہے ۔ کوئی یہ بھی کہہ سکتا ہے کہ اس میں کوئی نقصان دہ کیمیکل نہیں ہے۔ اس کا صحیح فیصلہ تو پھر کیمسٹری سپیشلسٹ ہی کر سکتا ہے۔
اس بارے میں کئی لوگوں کو کنفیوژن ہوجاتی ہے کہ بعض مفتی حضرات شیشہ، گٹکا ، سیگریٹ اور دیگر اشیاء کو حلال یا حرام یا مکروہ وغیرہ کہہ دیتے ہیں اور اس کی وجہ بیان نہیں کرتے ہیں۔ ان فتووں میں یہی غلطی ہے کہ ماہرین کو چھوڑ کر محض کوئی کتاب پڑھ کر فتوی ارشاد فرما دیتے ہیں۔
اس میں مفتی حضرات کو احتیاط کرنی چاہیے کہ وہ خود فتوی نہ دیں کیونکہ وہ کیمسٹری کو نہیں سمجھتے ہیں۔ اس کے لیے انہیں چاہیے کہ چند قابل اعتماد اور ماہرین کیمیکل انجینئرز سے مدد لینی چاہیے تاکہ ان تمام اشیاء پر ریسرچ کر کے وہ بتا سکیں کہ اس میں صحت پر کیا اثرات آ سکتے ہیں۔ پھر ان کی رپورٹس کی بنیاد پر فتوی کہنا چاہیے۔ میں نے اس جواب کے نیچے ایک لنک بھی شیئر کیا ہے اس کو ضرور چیک کیجیے تاکہ آپ کو معلوم ہوسکے کہ شیشے کے نقصانات کیا ہیں۔ اس لیے احتیاط یہی ہے کہ شیشہ ، گٹکا وغیرہ سے اجتناب کرنا چاہیے اور اس کام میں سہولت فراہم کرنے سے بھی بچنا ضروری ہے۔
Send your questions to email at mubashirnazir100@gmail.com.
——————-
اسلامی کتب کے مطالعے اور دینی کورسز کے لئے وزٹ کیجئے
تعلیمی و تربیتی کورسز کے ویب لنکس
علوم القرآن کا دور جدید اردو زبان میں مطالعہ ۔۔۔ ترجمہ اور تفسیر
دور جدید میں فقہ سے متعلق سوالات کا جواب لیکچرز
اسلام میں جسمانی اور ذہنی غلامی کے انسداد کی تاریخ
Ask your questions through email at mubashirnazir100@gmail.com.