پنچائیت میں زبردستی تین طلاق کروانے سے طلاق ہو جاتی ہے یا نہیں؟ خواتین کا پردہ فرض ہے یا نہیں؟

سوال: اگر لڑکا لڑکی اپنی پسند کی عدالتی شادی کر لیں اور والرین دونوں طرف اس پر راضی نہ ہوں اور پنچائتی طور پر لڑکے لڑکی کو طلاق پر مجبور کیا جائے اور کسی دباؤ کے پیش نظر لڑکے سے ایک ہی مجلس میں تین طلاق کا اقرار کروائیں تو کیا دباؤ کے باوجود بھی طلاق ہو گئی؟تو ان دونوں کی کیا صورت ہوگی؟

جواب: طلاق تب ہی ہو سکتی ہے جب انسان عقل کی بنیاد پر سوچ سمجھ کر طلاق دے۔ اگر کوئی مجلس سے پریشر لگا کر زبردستی طلاق کروائے تو اس کی کوئی حیثیت نہیں ہے۔ یہ بالکل ایسے ہی ہے جیسے زبردستی نکاح کروا لیں یا اگلے کو مقروض بنا لیں۔ اس کی کوئی حیثیت نہیں ہوتی ہے تو طلاق کی بھی کوئی حیثیت نہیں ہے۔ ہاں ، اگر اس شوہر نے خود اپنی نیت کے ساتھ طلاق دے تو پھر ہو جاتی ہے۔

تین طلاق کی حقیقت یہ ہے کہ اللہ تعالی نے تین الگ الگ ٹائم میں طلاق دینے کی اجازت دی ہے۔ اب انسان سوچ سمجھ کر عقل کے ساتھ تین آپشنز کو ایک ہی ٹائم میں ضائع کر دیا ہے تو پھر اس نے اپنی نیت کے ساتھ ہی تین آپشنز کو ضائع کر دیا ہے۔ اگر محض جذباتی اعتبار سے غصے میں تین بار طلاق کہہ دیتا ہے تو اس میں فقہاء میں اختلاف ہے۔ ان کا نقطہ نظر اور دلائل ، میں نے لیکچر میں پیش کر دیا ہے۔ اس میں ان صاحب کو چاہیے کہ وہ سمجھ لیں تو پھر جس نقطہ نظر کو درست سمجھتے ہیں، اسی پر عمل کریں۔

تین طلاق سے متعلق فقہاء کا نقطہ نظر

FQ35-Three Time Divorce in Muslim Jurisprudence (Fiqh(

اس کے ساتھ اصل میں طلاق کا صحیح طریقہ بھی دیکھ سکتے ہیں۔

طلاق سے متعلق دین کے احکامات

FQ27-The Law of Divorce in Islamic Jurisprudence

طلاق سے متعلق دین کے احکامات ۔۔۔ فقہاء میں اجتہاد اور اختلافات

FQ28-The Law of Divorce in Islamic Jurisprudence – Social Implications

سوال: کیا عورت کے پردہ میں اسکا چہرہ بھی شامل ہے یا نہیں؟

جواب: یہ کامن سوال ہے جو عام لوگوں میں ہوتا ہے۔ عہد رسالت میں احادیث کا مطالعہ کریں تو اس میں واقعات ملتے ہیں جن میں چند خواتین چہرے پر پردہ کرتی تھیں اور اکثر خواتین برقع نہیں پہنتی تھیں۔ کافی عرصے بعد یہ سوال پیدا ہوا تو انڈیا کے کلچر میں برقع کو لازم قرار دے دیا۔ دیگر ممالک میں مختلف کلچر موجود ہے۔ عرب خواتین اکثر چہرے پر پردہ نہیں کرتی ہیں لیکن انڈیا ، پاکستان اور ایران کی خواتین پردہ کرتی ہیں۔ اگر تو رسول اللہ صلی اللہ علیہ وآلہ وسلم تمام خواتین پر حکم دے دیتے تو پھر امت میں اختلاف نہ ہوتا۔

اس سے یہ واضح ہوتا ہے کہ یہ اجتہاد کا فیصلہ فقہاء نے کیا ہے۔ اس کے لیے فقہاء میں اختلاف موجود ہے۔ اس میں آپ اس لیکچر میں دونوں فقہاء کا نقطہ نظر اور دلائل پڑھ سکتے ہیں اور خود ہی فیصلہ کر سکتے ہیں۔

FQ30-Hijab & Parda