السلام و علیکم ورحمۃ الله وبرکاتہ

محترم بھائی، آپکی صحت و سلامتی کی دعاؤں کے ساتھ ایک سوال عرض ہے۔

سوال: اکثر دیکھا کہ عمرہ حج پہ جانے والوں کو لوگ کہتے کہ روضہ رسول پہ ہمارا بھی سلام عرض کیجیے گا۔ نیز یہ بھی پڑھا کہ آپ ﷺ پر درود پڑھا جائے تو وہ آپ پہ پیش ہوتا، اسی طرح روضہ رسول ﷺ پہ درود و سلام پڑھا جائے تو آپ ، ﷺ خود سنتے۔ کیا مستند احادیث سے یہ عقیدہ ثابت ہے؟ شہزاد، تلہ گنگ

جواب: وعلیکم السلام ورحمۃ اللہ وبرکاتہ شہزاد بھائی

بہت عرصے بعد آپ سے رابطہ ہوا ہے۔ کیا حال ہے اور کیسی زندگی گزر رہی ہے؟ آپ کے سوال کا جواب حاضر ہے۔

رسول اللہ صلی اللہ علیہ وآلہ وسلم میں درود و سلام کا حکم قرآن مجید میں ہے۔ یہ کسی وقت اور کسی جگہ کر سکتے ہیں کہ یہ اللہ تعالی سے دعا مانگی جاتی ہے جو رسول اللہ صلی اللہ علیہ وآلہ وسلم کو مزید اجر عطا کرنے کے بارے میں ہے۔

جتنی بھی صحیح احادیث ہیں تو ان میں یہی بتایا گیا ہے کہ اللہ تعالی سے دعا کریں اور درود بھی اس کا حصہ ہے۔ قبر کے بارے میں سلام بھی احادیث میں ہے اور وہی جب ہم رسول اللہ صلی اللہ علیہ وآلہ وسلم کی قبر انور کے پاس پہنچتے ہیں تو وہی سلام کرتے ہیں۔ سلام کا مطلب ہے کہ اللہ تعالی سے دعا کریں کہ انہیں اعلی سلامت عنایت فرمائیے۔

سوال: درود شریف تو ایک دعا ہے جو اللہ کریم سے مانگی جا رہی کہ اللہ سلامتی بھیج محمد ﷺ اور انکی فیملی، یہ اللہ کے حضور ہے تو آپ پہ کیسے پیش کیا جاتا ہے۔ درود دعا ہے تو عبادت ہوئی اوراعمال تواللہ کے حضور پیش ہوتے، پھر یہ آپ ﷺ پہ درود پیش ہونے والا معاملہ کا عقیدہ شرک تو نہیں کہلائے گا؟

جواب: جتنی احادیث بھی آپ اس موضوع پر پڑھیں تو یہی فرمایا گیا ہے کہ دعا، اللہ تعالی سے کرنی ہے۔ کسی اور سے دعا کرنا تو یہ مشرکانہ عمل ہو جاتا ہے۔ اس میں درود شریف بھی اللہ تعالی سے دعا کرنے کی ہے ۔ اس کا ترجمہ آپ پڑھ لیجیے جو احادیث میں رسول اللہ صلی اللہ علیہ وآلہ وسلم نے سکھایا ہے۔

أَخْبَرَنَا مُحَمَّدُ بْنُ سَلَمَةَ , وَالْحَارِثُ بْنُ مِسْكِينٍ قِرَاءَةً عَلَيْهِ وَأَنَا أَسْمَعُ وَاللَّفْظُ لَهُ، عَنِ ابْنِ الْقَاسِمِ، قَالَ: حَدَّثَنِي مَالِكٌ، عَنْ نُعَيْمِ بْنِ عَبْدِ اللَّهِ الْمُجْمِرِ، أَنَّ مُحَمَّدَ بْنَ عَبْدِ اللَّهِ بْنِ زَيْدٍ الْأَنْصَارِيَّ , وَعَبْدُ اللَّهِ بْنُ زَيْدٍ الَّذِي أُرِيَ النِّدَاءَ بِالصَّلَاةِ أَخْبَرَهُ، عَنْ أَبِي مَسْعُودٍ الْأَنْصَارِيِّ، أَنَّهُ قَالَ: أَتَانَا رَسُولُ اللَّهِ صَلَّى اللَّهُ عَلَيْهِ وَسَلَّمَ فِي مَجْلِسِ سَعْدِ بْنِ عُبَادَةَ , فَقَالَ لَهُ بَشِيرُ بْنُ سَعْدٍ: أَمَرَنَا اللَّهُ عَزَّ وَجَلَّ أَنْ نُصَلِّيَ عَلَيْكَ يَا رَسُولَ اللَّهِ , فَكَيْفَ نُصَلِّ عَلَيْكَ , فَسَكَتَ رَسُولُ اللَّهِ صَلَّى اللَّهُ عَلَيْهِ وَسَلَّمَ حَتَّى تَمَنَّيْنَا أَنَّهُ لَمْ يَسْأَلْهُ، ثُمَّ قَالَ:" قُولُوا اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى آلِ إِبْرَاهِيمَ , وَبَارِكْ عَلَى مُحَمَّدٍ وَعَلَى آلِ مُحَمَّدٍ كَمَا بَارَكْتَ عَلَى آلِ إِبْرَاهِيمَ , فِي الْعَالَمِينَ إِنَّكَ حَمِيدٌ مَجِيدٌ , وَالسَّلَامُ كَمَا عَلِمْتُمْ". (نسائی 1286)

ابومسعود انصاری رضی اللہ عنہ کہتے ہیں کہ رسول اللہ صلی اللہ علیہ وسلم سعد بن عبادہ رضی اللہ عنہ کی بیٹھک میں ہمارے پاس تشریف لائے، تو آپ سے بشر بن سعد رضی اللہ عنہ نے عرض کیا: اللہ کے رسول! اللہ نے ہمیں آپ پر صلاۃ (درود) کا حکم دیا ہے تو ہم آپ پر کیسے صلاۃ (درود) بھیجیں؟ رسول اللہ صلی اللہ علیہ وسلم خاموش رہے یہاں تک کہ ہماری یہ خواہش ہونے لگی کہ کاش انہوں نے آپ سے نہ پوچھا ہوتا، پھر آپ نے فرمایا: آپ کہیے«اللہم صل على محمد وعلى آل محمد كما صليت على آل إبراهيم وبارك على محمد وعلى آل محمد كما باركت على آل إبراهيم في العالمين إنك حميد مجيد» ”اے اللہ! محمد اور آل محمد پر اسی طرح عنایت پہنچا دیجیے جس طرح آپ نے آل ابراہیم پر عنایت فرمائی۔ برکتیں محمد اور آل محمد پر نازل فرما دیجیے بالکل اسی طرح جیسے آپ نے آل ابراہیم پر تمام عالم میں برکتیں نازل فرمائی ہیں۔ بلاشبہ آپ ہی تعریف اور بزرگی کے لائق ہے۔ ‘‘ آپ سلام کہنا تو جانتے ہی ہیں۔ [سنن نسائي/كتاب السهو/حدیث: 1286]

https://islamicurdubooks.com/hadith/hadith-.php?bookid=5&hadith_number=1286

اب جن بھائیوں نے اللہ تعالی کی بجائے ڈائرکٹ رسول اللہ صلی اللہ علیہ وآلہ وسلم سے مانگتے ہیں تو یہ احمقانہ حرکت ہے۔ یہ بالکل ایسے ہی ہے جیسے آپ کے بارے میں اللہ تعالی سے دعا کرنے کی بجائے آپ سے مانگنا شروع کرلیں؟ اس میں شرک تو نہیں ہے لیکن احمقانہ حرکت ضرور ہے۔

سوال: رسول اللہ ﷺ کی وفات کے بعد صحابہ کا کیا طرز عمل تھا؟ کیا وہ بھی قبر مبارک پہ درود و سلام عرض کرتے تھے اور یہ عقیدہ رکھتے تھے کہ آپ سن رہے ہیں؟ قرآن و سنت کی روشنی میں آگاہ فرمائیے گا، ممنون ہوں گا۔

جواب: جی ہاں صحابہ کرام رضی اللہ عنہم، رسول اللہ صلی اللہ علیہ وآلہ وسلم کے لیے درود شریف کرتے تھے اور وہ ہر نماز میں یہ دعا کرتے تھے۔ پھر اپنے گھر یا کسی اور جگہ بھی جب دل چاہیں تو کر لیتے تھے۔ آثار صحابہ میں ملتا ہے کہ کئی بار رسول اللہ صلی اللہ علیہ وآلہ وسلم کے گھر میں یہی دعا صلوۃ یعنی درود شریف ہی کر لیتے تھے لیکن اس سے زیادہ کچھ نہیں کرتے تھے۔ اس کے لیے آپ ان لنکس میں تمام احادیث پڑھ لیجیے جس سے صحابہ کرام رضی اللہ عنہم کا رویہ کیا تھا؟ اس کی کچھ مثالیں حاضر ہیں۔

https://islamicurdubooks.com/hadith/ad.php?bsc_id=893

آپ کی وفات کے بعد سیدہ عائشہ رضی اللہ عنہا کے گھر میں ہی دفن کیا گیا اور اسے سیدہ عائشہ رضی اللہ عنہا بیان کرتی ہیں کہ اس کا مقصد یہی تھا کہ قبر انور کو چھپایا جائے تاکہ اگلی جنریشن میں کوئی مشرکانہ عمل نہ کر سکے۔ اس کے لیے آپ امہات المومنین رضی اللہ عنہن کی بیان کردہ احادیث سے ہمیں معلوم ہوتا ہے کہ ہمارا رویہ کیسا ہونا چاہیے۔

جابر سے روایت ہے کہ رسول اللہ صلی اللہ علیہ و الہ و سلم نے قبروں کو پختہ بنانے، انہیں (عبادت کےطور پر) بیٹھنے کی جگہ بنانے اور ان پر عمارتوں کی تعمیر سے منع فرمایا۔ (مسلم ، کتاب الصلوة)

سیدہ ام حبیبہ اور ام سلمہ رضی اللہ عنہما نے رسول اللہ صلی اللہ علیہ و الہ و سلم سے عیسائیوں کے ایک چرچ کا ذکر کیا جو انہوں نے حبشہ میں دیکھا تھا۔ رسول اللہ صلی اللہ علیہ وآلہ وسلم نے فرمایا، ’’جب بھی ان کا کوئی نیک آدمی فوت ہو جاتا تو یہ اس کی قبر کو عبادت گاہ بنا لیتے تھے۔ اللہ تعالی کے نزدیک یہ لوگ روز قیامت بدترین مخلوق میں سے ہوں گے۔“ (بخاری ، کتاب الصلوة)

سیدہ عائشہ ، ابن عباس اور ابوہریرہ رضی اللہ عنہم سے روایت ہے کہ اپنی زندگی کے آخری لمحات میں حضور صلی اللہ علیہ و الہ و سلم نے فرمایا: ”اللہ تعالی ان یہود و نصاریٰ پر لعنت فرمائے کہ انہوں نے اپنے انبیاءکی قبروں کو عبادت گاہیں بنا لیا۔‘‘ سیدہ عائشہ رضی اللہ عنہا بیان کرتی ہیں : ”(رسول اللہ صلی اللہ علیہ وآلہ وسلم کو حجرے کے اندر اس لئے دفن کیا گیا کہ ) اگر آپ کی قبر مبارک کھلی جگہ پر ہوتی تو حضور کو یہ خدشہ تھا کہ لوگ کہیں اسے عبادت کی جگہ نہ بنا لیں۔ “ (بخاری، کتاب الجنائز)

https://islamicurdubooks.com/hadith/hadith-.php?bookid=1&hadith_number=1330

https://islamicurdubooks.com/hadith/hadith-.php?bookid=2&hadith_number=1184

https://islamicurdubooks.com/hadith/hadith-.php?bookid=2&hadith_number=1186

https://islamicurdubooks.com/hadith/hadith-.php?bookid=2&hadith_number=2242

https://islamicurdubooks.com/hadith/hadith-.php?bookid=2&hadith_number=1187

https://islamicurdubooks.com/hadith/ad.php?bsc_id=4491

صحابہ کرام رضی اللہ عنہم کے زمانے میں رسول اللہ صلی اللہ علیہ وآلہ وسلم کی قبر انور پر کبھی کسی صحابی نے مزار نہیں بنایا تھا۔ موجودہ روضہ انور تو بادشاہوں نے ایجاد کر دیے تھے بالخصوص ترکی حکومت ،مدینہ تک پھیل گئی تھی تو انہوں نے روضہ بنایا ورنہ اس سے پہلے کبھی نہیں تھا۔ مسجد نبوی کے قریب قبر انور اس وجہ سے ہوئی کہ رسول اللہ صلی اللہ علیہ وآلہ وسلم کا گھر مسجد نبوی کے پاس ہی تھا اور آپ کو دفن اپنے گھر میں ہی چھپا دیا تاکہ لوگ قبر انور کو عبادت کی جگہ نہ بن جائے۔ اس کی وجہ یہی تھی کہ امہات المومنین رضی اللہ عنہن کے گھر میں کوئی اندر گھس نہیں سکتا تھا۔

جب آپ حج کے لیے جائیں تو وہاں تاریخی مقامات کو میری اس کتاب میں دیکھ سکتے ہیں۔ ان مقامات پر زیارت کی نیت سے نہ کیجیے گا بلکہ صرف تاریخی ریسرچ کے لیے ایسا کیجیے گا۔ رسول اللہ صلی اللہ علیہ وآلہ وسلم نے زیارت کے لیے صرف اور صرف تین جگہوں کی اجازت دی ہے: حرم شریف، مسجد نبوی اور مسجد اقصی اور بس۔ زیارت اصل میں عبادت کا حصہ ہے اور یہ صرف اور صرف اللہ تعالی کے حضور ہی کر سکتے ہیں۔