سوال نمبر 1: کیا دَم کی حیثیت صرف شفائیہ دعا کی ہے یا دم کے کوئی طبعی (فزیکل) اثرات ہوتے ہیں؟ یعنی جس طرح میڈیسن یا ریڈییشن کے انسانی جسم پر اثرات ہوتے ہیں کیا دم کی حیثیت بھی اسی نوعیت کی ہوتی ہے؟

جواب: دم میں اگر اللہ تعالی سے کوئی دعا کی ہے تو وہ اللہ تعالی سے درخواست ہے اور بس۔ اگر اللہ تعالی نے اس پر صحت دینی ہے تو دے دیتا ہے اور اگر ابھی بیماری کا امتحان قائم رکھنا ہے تو اتنے عرصے تک رکھ لیتا ہے۔ ہاں اللہ تعالی دعا کا آخرت میں اجر ضرور دے گا۔

اب یہ سوال کہ دم سے میڈیسن کی طرح کوئی اثر آتا ہے یا نہیں؟ اس کا جواب علم نفسیات سے ہے۔ جہاں تک مجھے نفسیات پڑھی ہے تو اس سے یہ معلوم ہوا ہے کہ جو آدمی جس عمل کو بھی حقیقت سمجھ لیتا ہے تو اس پر نفسیاتی اثرات آتے ہیں۔ جو آدمی دم سے علاج کو حقیقت سمجھ لیتا ہے تو اس سے اس کا ذہن ایکٹو ہو جاتا ہے اور وہ کسی حد تک خود کو صحیح لگ رہا ہوتا ہے۔ جو آدمی دم کو حقیقت نہیں سمجھتا ہے تو اس پر کوئی اثرات نہیں آتے ہیں۔

پرانے زمانے میں لوگ پیروں پر یقین رکھتے تھے اور وہ پیر صاحب دم لگاتے تھے تو لوگ اس پر یقین رکھتے تھے اور وہ کسی حد تک ان کا ذہن ایکٹو کر لیتا تھا۔ اس میں عام طور پر وہی پیر صاحب کوئی میڈیسن بھی دے دیتے تھے جس سے صحت آ جاتی تھی۔ اس طرح پیر صاحب فزیشن ڈاکٹر کی طرح ایکشن کرتے تھے۔ اس میں میڈیسن اور ساتھ ہی دم نفسیات پر عمل کر کے اپنے مرید کی صحت پر کام کر لیتے تھے۔ یہی عمل آج کل ڈاکٹرز بھی کر رہے ہیں۔ اس کا دین سے کوئی تعلق نہیں ہے بلکہ یہ نیچرل سائنسز اور سائیکولوجی سے متعلق ہوتا ہے۔

سوال نمبر 2: اگر کسی کا عقیدہ ٹھیک ہو مگر اس کو پلاسبو افکٹ کے طور پر یا نفیسیاتی اثرات کے لئے تعویذ پہنوایا جاسکتا ہے؟

جواب: تعویذ بھی بالکل اسی دم کی طرح عمل کرتا ہے کہ جو آدمی اپنے پیر پر یقین رکھتا ہے تو پھر اس کے تعویذ سے بھی اچھا یا برا اثر آ جاتا ہے۔

اس کا ٹھیک عقیدہ یہ ہے کہ یہ سب کچھ محض سوشل سائنسز اور سائیکولوجی سائنسز سے متعلق ہوتا ہے اور اس کا دین اسلام سے کوئی تعلق نہیں ہے۔ اس کا غلط عقیدہ یہ ہے کہ تعویذ یا دم میں جو عمل ہو، تو وہ سب دین کا حکم ہے۔ حالانکہ قرآن مجید اور احادیث میں اس کا کچھ بھی نہیں فرمایا ہے کہ تعویذ اور دم پر عمل کرو یا نہ کرو۔ اس لیے اس کا دین سے کوئی تعلق نہیں ہے۔

صوفی حضرات نے کنفیوژن یہ پیدا کی ہے کہ انہوں نے سائیکولوجی اور اسلام کو مکس کر دیا ہے۔ یہ بالکل ایسی کنفیوژن ہی ہے جیسے کوئی آج کل فزکس، کیمسٹری کو اٹھا کر اسلام کا حکم ایجاد کر دے۔ اس لیے یہ کنفیوژن سے ہمیں بچنا چاہیے۔ قرآن مجید اور قابل اعتماد احادیث کا مطالعہ کرنا چاہیے تاکہ یہ معلوم ہو کہ دین سے متعلق کیا ہے اور دنیاوی معاملات کیا ہیں۔

اللہ تعالی نے قرآن مجید میں ایمان، اخلاقی عمل اور شریعت کے احکامات ہیں اور اس کی وضاحت احادیث میں رسول اللہ صلی اللہ علیہ وآلہ وسلم نے کی ہے۔ اس لیے دین کا تعلق ایمان، اخلاقیات اور شریعت ہے اور بس۔ اللہ تعالی نے یہ ضرور بتا دیا ہے کہ سائنس، سائیکولوجی اور سوشل سائنسز میں جو کچھ بھی ہو رہا ہے، وہ سب اللہ تعالی نے بنا دیا ہے۔ انسان کو اتنا سکھا دیا ہے کہ انسان ان سائنسز سے کچھ علاج اور دیگر عمل کر لیتے ہیں جو دنیاوی معاملہ ہے اور اس کا دین سے کوئی تعلق نہیں ہے۔

ہاں دین سے تعلق تب پیدا ہوتا ہے جب انسان سائیکولوجی سے متعلق کوئی غیر اخلاقی حرکت کرے۔ اس کے لیے میں نے اپنی کتاب ’’امت مسلمہ میں ذہنی و نفسیاتی غلامی‘‘ میں تفصیل سے عرض کیا ہے کہ مذہبی لیڈرز نے نارمل انسانوں کو اپنا نفسیاتی غلام بنا دیا کیونکہ انہوں نے میڈیسن اور سائیکولوجی سے متعلق کنفیوژن پیدا کر کے لوگوں کو اپنا مرید اور نفسیاتی غلام بنایا تاکہ وہ ان کی سیاست کو استعمال کر سکیں۔ یہ غیر اخلاقی حرکت ہے جسے استحصال کہتے ہیں اور دین میں ہمیں غیر اخلاقی حرکت کو حرام قرار دیا ہے۔

اس پر یہ اہم تجربہ یہ ہے کہ بہت سے مذاہب کے بظاہر مذہبی پیر حضرات اپنے تعویز اور دم میں کوئی جادو ٹونا یا کوئی مشرکانہ لفظ کہہ دیتے ہیں۔ اس میں پھر شرک کا عمل ہوتا ہے جو دین اسلام میں حرام ہے بلکہ وہ سب سے بڑا جرم ہے کہ لوگ اللہ تعالی کے علاوہ کسی انسان یا جن کو اپنے خدا کی طاقت سمجھ لیتے ہیں۔ قرآن مجید کا موضوع یہی ہے کہ شرک سے سب سے بڑا جرم ہے جس سے ہمیں بچنا چاہیے۔

اس لیے یہی مشورہ عرض کروں گا کہ آپ کسی بھی تعویز اور دم سے بچیں کیونکہ معلوم نہیں کہ یہ مذہبی پیر یا بابا کیا عمل کرتے ہیں اور کیا نہیں۔ بہت سے ایسے حضرات کہتے ہیں کہ ہم تو شرک نہیں کرتے ہیں لیکن وہ حقیقت میں ایسا مشرکانہ عمل کر رہے ہوتے ہیں اور انہیں معلوم نہیں ہوتا ہے۔ اس کی مثال آپ دیکھ لیجیے کہ ہندو پنڈت حضرات کہتے ہیں کہ ہم شرک پر ایمان نہیں رکھتے ہیں لیکن حقیقت میں وہ اپنے مندر میں ایسے عمل کر رہے ہوتے ہیں۔ یہی اثرات مسلمانوں میں بھی آئے کہ وہ شرک کو حرام کہتے ہیں لیکن اپنے عمل کو مشرکانہ عمل نہیں سمجھتے ہیں اور وہی حرکتیں کرتے ہیں۔

سوال نمبر3: قرآن میں طاغوت کا کفر کرنے حکم ہے اور طاغوت ، اللہ کے سرکش اور باغی کو کہا جاتا ہے۔ کیا آج کے فرقہ پرست علماء اور اسلام کے باغی مسلمانوں کی تکفیر ضروری نہیں؟ تاکہ حق اور باطل واضح ہوجائے۔

جواب: قرآن مجید میں لفظ ’’طاغوت‘‘ کو اللہ تعالی کا دشمن قرار دیا ہے کہ وہ انسان جو اللہ تعالی کے خلاف سرکش بن جائے۔ اب یہ اللہ تعالی ہی جانتا ہے کہ جو شخص طاغوت ہے اور کون نہیں ہے۔ ہم کسی انسان کے دماغ کو پکڑ کر کسی لیبارٹری میں ڈال کر ایسا نہیں چیک کر سکتے ہیں کہ اس میں وہ انسان اللہ تعالی کا سرکش ہے یا نہیں۔ اس لیے اس معاملے کو اللہ تعالی ہی کے لیے چھوڑ دینا چاہیے۔

مختلف فرقوں کے لوگ بڑی سختی سے ایک دوسرے پر کفر کا فتوی نافذ کرتے ہیں اور کہتے ہیں کہ فلاں شخص طاغوت ہے اور کافر ہے۔ ان حضرات سے پوچھنا چاہیے کہ آپ نے دوسرے فرقے والوں کے ذہن کو کسی لیبارٹری میں چیک کر کے بتایا ہے یا اپنے ذہن سے خود ہی اندازہ کر رہے ہیں؟

اس کا جواب رسول اللہ صلی اللہ علیہ وآلہ وسلم نے کر دیا ہے کہ کسی انسان کو دوسروں پر تکفیر نہیں کرنی چاہیے اور انہیں کافر نہیں کہنا چاہیے۔ صرف اور صرف اتنا جملہ ہی ہم کہہ سکتے ہیں کہ ان صاحب کے نقطہ نظر کو درست نہیں سمجھ رہے ہیں اور بس۔ ہماری لمٹ صرف اور صرف اتنی ہی ہے۔ حدیث آپ پڑھ لیجیے اور اسی پر عمل کرنا چاہیے۔

وحدثنا يحيي بن يحيي التميمي ، ويحيي بن ايوب ، وقتيبة بن سعيد ، وعلي بن حجر جميعا، عن إسماعيل بن جعفر ، قال يحيي بن يحيي: اخبرنا إسماعيل بن جعفر، عن عبد الله بن دينار ، انه سمع ابن عمر ، يقول: قال رسول الله صلى الله عليه وسلم: " ايما امرئ قال لاخيه: يا كافر، فقد باء بها احدهما، إن كان كما قال، وإلا رجعت عليه ".

عبداللہ بن دینار سے روایت ہے، انہوں نے حضرت ابن عمر رضی اللہ عنہما کو یہ کہتے سنا کہ رسول اللہ صلی اللہ علیہ وسلم نے فرمایا: ”جس نے اپنے بھائی سے کہا: اے کافر! تو دونوں میں سے ایک (کفر کی) اس (نسبت) کے ساتھ لوٹے گا۔ اگر وہ ایسا ہی ہے جس طرح اس نے کہا (تو ٹھیک) ورنہ یہ بات اسی (کہنے والے) پر لوٹ آئے گی۔“ صحيح مسلم/كتاب الإيمان/حدیث: 216

حدثنا إسماعيل، قال: حدثني مالك، عن عبد الله بن دينار، عن عبد الله بن عمر رضي الله عنهما، ان رسول الله صلى الله عليه وسلم قال:" ايما رجل قال لاخيه يا كافر فقد باء بها احدهما".

ہم سے اسماعیل بن ابی اویس نے بیان کیا، کہا کہ مجھ سے امام مالک رحمہ اللہ نے بیان کیا، ان سے عبداللہ بن دینار نے، ان سے عبداللہ بن عمر رضی اللہ عنہما نے کہ رسول اللہ صلی اللہ علیہ وسلم نے فرمایا ”جس شخص نے بھی اپنے کسی بھائی کو کہا کہ اے کافر! تو ان دونوں میں سے ایک کافر ہو گیا۔“ صحيح البخاري/كتاب الأدب/حدیث: 6104

اب ہم لوگوں کو ڈرنا چاہیے کہ ہم کسی کو کافر کہہ دیں تو کہیں ایسا نہ ہو کہ ہم خود ہی کافر بن جائیں۔ اگر کوئی شخص خود اپنے تکبر سے دوسروں کو کافر کہنا چاہے تو پھر وہ آخرت میں اللہ تعالی سے بحث کرنے کے لیے تیار ہو تاکہ اللہ تعالی ہی ان کا محاسبہ کر لے گا۔

ہمیں تو بس کسی کا نام کیے بغیر صرف اتنا ہی کہنا چاہیے کہ اس نقطہ نظر کو ہم غلط سمجھتے ہیں اور اس کی دلیل یہ ہے اور ہماری لمٹ کا اسکوپ صرف اور صرف اتنا ہی ہونا چاہیے۔

اسلامی کتب کے مطالعے اور دینی کورسز کے لئے وزٹ کیجئے اور جو سوالات ہوں تو بلاتکلف ای میل کر دیجیے گا۔

www.mubashirnazir.org and mubashirnazir100@gmail.com