السلام علیکم ورحمتہ اللہ وبرکاتہ

امید ہے مبشر بھائی خیریت سے ہونگے اللہ سبحانہ و تعالی آپ کو اپنے حفظ امان میں رکھے آمین

ابو عبداللہ خلیل، سعودی عرب

وعلیکم السلام ورحمتہ اللہ وبرکاتہ بھائی

بہت عرصے بعد آپ سے رابطہ ہوا ہے۔ کیا حال ہے اور کیسی زندگی گزر رہی ہے؟ آپ کے سوالات کا تبصرہ نیچے حاضر خدمت ہے۔

سوال: موجودہ تناظر میں جو شخص دہریہ (خدا کو نہیں مانتا نا خدا کے وجود کو مانتا ہو) ایسے لوگوں کو قرآن و صحیح حدیث کو چھوڑ کر سائینس کے دلائل سے دعوت دینا مناظرہ کرنا کیا منہج السلف ہے؟

جواب: مناظرہ سے دعوت ناکام ہوتی ہے کہ اس میں جو شخص بھی زیادہ چیخوں اور دوسروں پر منفی تبصرے کرتے ہیں تو پھر کوئی آدمی بھی دوسروں کی بات نہیں مانتا ہے اور نہ ہی سنتا ہے بلکہ اپنی آواز زیادہ چیخ کر اگلے کی آواز کو دبا دیتا ہے۔ اللہ تعالی نے ہدایت اس انسان کو ہی عطا فرمانی ہے جس کی نیت درست ہو۔ جس کی نیت درست نہ ہو تو پھر انبیاء کرام علیہم الصلوۃ والسلام کی دعوت میں بھی غور نہیں کرتے تھے۔ اب الحاد کے لیے ہمیں یہی کرنا چاہیے کہ جو لوگ الحاد سے متاثر ہیں مگر ان کے اندر دین کی رمک موجود ہو تو ان سے ہی دوستی کرنی چاہیے اور محبت سے گفتگو کرنی چاہیے۔ اس میں سائنس میں ملحدین کا نقطہ نظر غلط واضح کر دینا چاہیے اور ساتھ ہی قرآن مجید میں سائنسی ثبوت جو بیان ہوئے ہیں تو وہی انہیں بتا دینا چاہیے۔ پھر بھی کسی کے ساتھ کوئی منفی تبصرہ نہیں کرنا چاہیے۔ کچھ سائنسی ثبوت قرآن مجید میں ہیں جو اس لیکچر پر حاضر ہے۔

خدا، انسان اور سائنس

الحاد اور سیکولر ازم سے متعلق سوالات

کائنات: ایک خالق کی نشانی

قرآن مجید اور ہماری شخصیت

مغربی معاشرت کی فکری بنیادیں اور ہمارا کردار

سوال: کیا پیارے رسول محمد صلی اللہُ علیہ وسلم یا صحابہ کرام رضی اللہ عنہم اجمعین کے زمانے میں دہریہ قسم کے لوگ پائے جاتے تھے؟

جواب: اس زمانے میں دہریہ بہت ہی کم تھے ۔ کوئی اکا دکا آدمی خدا کو نہیں مانتا لیکن اکثریت شرک میں مبتلا تھی۔ اس لیے قرآن مجید میں اللہ تعالی نے فوکس اس پر کیا ہے کہ شرک میں کیا غلطی ہے۔ اکا دکا دہریہ بھی عرب میں نہیں تھے بلکہ دیگر ممالک میں تھے۔

موجودہ زمانے میں شرک ہی دہریہ کی شکل ہے۔ پہلے مشرکین کسی انسان کو خدا مان کر اس کے مجسمے بنا کر پوجا کر لیتے تھے۔ موجودہ زمانے میں ملحدین نے کائنات اور زمین کو خدا قرار دیا ہے اور اس میں جو سائنسی کنٹرول ہے تو اس سائنس کو خدا سمجھ لیتے ہیں اور اسی کی ذہنی پوجا کرتے ہیں۔

آپ یہ دیکھیے کہ ملحدین اللہ تعالی نہ ہونے پر کوئی سائنسی ثبوت پیش نہیں کرتے ہیں بلکہ وہ صرف مذہبی لوگوں کی غلطیوں پر بھی مناظرہ کرتے ہیں اور کہتے ہیں کہ مذہبی لوگ قابل اعتماد نہیں ہیں اور بس۔

تعمیر شخصیت کا قرآنی لائحہ عمل

جو لوگ دہریہ میں کٹر ہو چکے ہیں تو ان سے کوئی رابطہ رکھنے کا کوئی فائدہ نہیں ہے کہ وہ تو بس مناظرہ ہی کریں گے۔ صرف انہی لوگوں پر فوکس کرنا چاہیے جو الحاد کے اثرات پر کوئی کنفیوژن پیدا ہوئی ہو تو ان کے سوالات کا جاب دینا چاہیے۔ یہی خدمت میں ان بھائیوں سے کر رہا ہوں۔ اس کی کچھ مثالیں حاضر خدمت ہیں۔